Það komu nokkrir Íslendingar við sögu í æfingaleikjum í dag en Andri Fannar Baldursson var ekki með í eina keppnisleiknum hjá Íslendingaliði.
Andri Fannar var í leikbanni er Kasimpasa tapaði naumlega á útivelli gegn Trabzonspor í tyrknesku deildinni. Kasimpasa er aðeins einu stigi fyrir ofan fallsvæðið á meðan Trabzonspor er í toppbaráttunni.
Dagur Dan Þórhallsson var þá í byrjunarliði CF Montreal sem tapaði 3-2 í æfingaleik gegn Slovan Liberec.
FCK lagði B.93 að velli og lék Rúnar Alex Rúnarsson seinni hálfleikinn á milli stanga Kaupmannahafnar á sama tíma og Breki Baldursson var í byrjunarliði Esbjerg í sigri gegn Silkeborg.
Í Noregi tapaði Álasund gegn Brattvåg á meðan Odd gerði jafntefli við Arendal. Eftirsóttur Stefán Ingi Sigurðarson var ekki með Sandefjord í sigri gegn Lilleström.
Gautaborg sigraði að lokum gegn Öster.
Trabzonspor 2 - 1 Kasimpasa
Liberec 3 - 2 Montreal
Kobenhavn 3 - 2 B.93
Silkeborg 1 - 3 Esbjerg
Aalesund 0 - 2 Brattvag
Odd 1 - 1 Arendal
Lilleström 1 - 2 Sandefjord
Öster 1 - 3 Göteborg
Athugasemdir
