Miðjumaðurinn Tom Cairney er búinn að gera nýjan samning við Fulham sem gildir út næsta keppnistímabil.
Cairney, sem fagnaði 35 ára afmæli í vikunni, er afar mikilvægur hlekkur í búningsklefanum hjá Fulham enda hefur hann verið partur af leikmannahópinum í rúmlega ellefu ár.
Hann á tæpa 400 leiki að baki fyrir félagið og hefur komið að tveimur mörkum í 18 leikjum á yfirstandandi tímabili. Hann hefur verið fyrirliði Fulham í tæplega níu ár.
„Þetta er félagið mitt, hérna á ég heima. Ég vil vera áfram partur af þessu félagi svo lengi sem þjálfarateymið telur að ég sé nytsamlegur. Ég er að taka þátt í leikjum og get ennþá haft áhrif á útkomuna," sagði Cairney, sem spilaði tvo A-landsleiki fyrir Skotland, meðal annars við undirskriftina.
Captain. ???? pic.twitter.com/dRPw4lYyTA
— Fulham Football Club (@FulhamFC) January 23, 2026
Athugasemdir
