Harpa Þorsteinsdóttir.
„Ég held að áhorfendur geti ekki kvartað," sagði Harpa Þorsteinsdóttir leikmaður Stjörnunnar eftir 2-1 sigur á Fylki í framlengdum leik í undanúrslitum Borgunarbikarsins í kvöld.
Lestu um leikinn: Fylkir 1 - 2 Stjarnan
„Fylkisliðið er gríðarlega sterkt og á heima í toppbaráttu. Við vissum að við þyrftum að hafa gríðarlega mikið fyrir sigri hér í dag."
Fylkir komst yfir í fyrri hálfleik en Stjarnan jafnaði um miðbik síðari hálfleiks. Harpa segist hafa verið smeyk þegar Fylkir var yfir í síðari hálfleiknum. „Ég viðurkenni að ég var smá stressuð," sagði Harpa.
Selfoss og Valur mætast í hinum undanúrslitaleiknum á morgun. Á Harpa óskamótherja þar?
„Nei. Það var gríðarleg stemning að spila við Selfoss í fyrra þegar það var slegið áhorfendamet en það skiptir engu máli," sagði Harpa.
Hér að ofan má sjá viðtalið í heild sinni.
