Fótbolti.net

fim 25. maí 2023 23:27

Brynjar Ingi Erluson

„Seinni hálfleikurinn sýnir hvar við erum staddir“

Mynd: Getty Images

Frank Lampard, bráðabirgðastjóri Chelsea, var vonsvikinn eftir 4-1 tap liðsins gegn Manchester United á Old Trafford í kvöld og ekki í fyrsta sinn.

Chelsea skapaði sér mörg góð færi í fyrri hálfleiknum en eins og oft áður þá gekk ekkert að nýta þau.

Það vantaði allt sjálfstraust í leikmenn til að koma boltanum í netið á meðan United nýtti sín færi. Ekki var þá mikið að frétta á hinum enda vallarins því varnarleikurinn var afar slakur en hvað vantaði upp á hjá Chelsea í dag?

„Skilvirknin fyrir framan markið. Við vorum betra liðið í fyrri hálfleiknum og vorum með svipað góð færi. Það að vera 2-0 undir sýnir líklega hvar við erum staddir og sama á við um síðari hálfleikinn.“

„Markatalan á tímabilinu sýnir að við erum ekki að skora nægilega mörg mörk. Við ógnuðum nokkrum sinnum í fyrri hálfleiknum. Varnarleikurinn sem við sýndum á köflum í síðari hálfleiknum er ástæðan fyrir því að við þurfum að spila með fimm manna varnarlínu.“

„Ég er vonsvikinn með þetta. Við verðum að vera betri en þetta. Löngu tímabilið er að ljúka og það eru nokkur tæknileg atriði sem þarf að vinna í á hverjum degi og gera grunnatriðin rétt. Það er bara þannig en hjá United sérðu að það er smá reynsla á báðum endum vallarins sem gerði leikinn að því sem hann varð. Þetta er raunveruleikinn.“

„Hvert einsta lið sem vinnur eða er alltaf að ná í úrslit er með þennan staðal. Án hans skiptir leikkerfið engu máli.“

„Það þarf að æfa vel á hverjum degi, reyna að vinna og sýna samheldni. Ég skil að það á þessu ári hefur þjálfurunum gengið erfiðlega með það því þetta er stór hópur og við höfum þurft að lifa með því. Stundum er hægt að segja að það skipti máli en sem leikmaður verður þú að setja það til hliðar og einbeita þér að eigin leik.“

„Frá því ég kom hingað hef ég áttað mig á sameiginlegum staðli hópsins. Við verðum að skilja það af hverju félagið er þar sem það er. Það vantar klárlega ekki framlagið. Ég var svo heppinn að vera hér til margra ára og þú getur verið hér á næsta ári og séð að einhver hefur bætt staðalinn,“ sagði Lampard í lokin.

Stöðutaflan

England Premier league - karlar

		L	U	J	T	ms:	mf:	mun	Stig
1	Man City	38	28	5	5	94	33	+61	89
2	Arsenal	38	26	6	6	88	43	+45	84
3	Man Utd	38	23	6	9	58	43	+15	75
4	Newcastle	38	19	14	5	68	33	+35	71
5	Liverpool	38	19	10	9	75	47	+28	67
6	Brighton	38	18	8	12	72	53	+19	62
7	Aston Villa	38	18	7	13	51	46	+5	61
8	Tottenham	38	18	6	14	70	63	+7	60
9	Brentford	38	15	14	9	58	46	+12	59
10	Fulham	38	15	7	16	55	53	+2	52
11	Crystal Palace	38	11	12	15	40	49	-9	45
12	Chelsea	38	11	11	16	38	47	-9	44
13	Wolves	38	11	8	19	31	58	-27	41
14	West Ham	38	11	7	20	42	55	-13	40
15	Bournemouth	38	11	6	21	37	71	-34	39
16	Nott. Forest	38	9	11	18	38	68	-30	38
17	Everton	38	8	12	18	34	57	-23	36
18	Leicester	38	9	7	22	51	68	-17	34
19	Leeds	38	7	10	21	48	78	-30	31
20	Southampton	38	6	7	25	36	73	-37	25

Athugasemdir

Nýjustu fréttirnar