Kiddi Steindórs: Kannski eru þetta nýju skórnir?

„Kannski nýju skórnir?" sagði Kristinn Steindórsson, leikmaður Breiðabliks, þegar hann var spurður út í ástæðuna fyrir því að hann er farinn að skora á nýjan leik.

Eftir mikla markaþurrð síðustu ár er Kristinn kominn með þrjú mörk í öllum keppnum á tímabilinu.

„Ég er kominn í umhverfi sem mér líður vel í og ég fæ að spila framar á vellinum. Það hlaut að koma að því að ég myndi skora eitthvað."

Hann er að vonum ánægður með hvernig hefur gengið í endurkomunni í Breiðablik.

„Að sjálfsögðu, þetta hefði ekki getað byrjað betur. Breiðablik getur klárlega unnið titla á þessu tímabili."