Michail Antonio skoraði sigurmark West Ham gegn Tottenham í gær. Leikurinn endaði með 1-0 sigri og kom markið frá Antonio eftir hornspyrnu frá Aaron Cresswell. Boltinn fór af legghlífinni á Antonio og þaðan í netið.
„Ef ég á að vera hreinskilinn þá átti ég ekki að vera á þessu svæði til þess að skora," sagði Antonio í viðtali eftir leikinn. „Ég átti að vera þarna til að hindra Harry Kane."
„Ef ég á að vera hreinskilinn þá átti ég ekki að vera á þessu svæði til þess að skora," sagði Antonio í viðtali eftir leikinn. „Ég átti að vera þarna til að hindra Harry Kane."
„Boltinn kom svo í áttina að mér og ég verandi framherjinn sem ég er setti ég fótinn út og þetta var niðurstaðan. Ég ætla ekki að ljúga, það kom mér á óvart að boltinn fór inn."
Einungis Mo Salah og Jamie Vardy hafa skorað meira en Antonio á leiktíðinni. Antonio hefur skorað sex mörk og lagt upp þrjú.
Athugasemdir