Miðjumaðurinn öflugi N'Golo Kante hefur verið að glíma við meiðsli og versnuðu þau á æfingu Chelsea um helgina.
Kante er því tæpur fyrir úrslitaleik Evrópudeildarinnar gegn Arsenal. Leikurinn fer fram á miðvikudaginn.
Þá varð Jorginho fyrir minniháttar meiðslum á æfingu í síðustu viku en hann ætti að vera klár í að byrja úrslitaleikinn.
Callum Hudson-Odoi og Ruben Loftus-Cheek eru þegar frá vegna meiðsla rétt eins og Antonio Rüdiger. Varnarmaðurinn ungi Nathan Ampadu er hins vegar kominn aftur úr meiðslum og verður líklega á bekknum.
Chelsea endaði í þriðja sæti ensku úrvalsdeildarinnar og er því búið að tryggja sæti sitt í riðlakeppni Meistaradeildarinnar á næsta tímabili. Arsenal þarf hins vegar að sigra úrslitaleikinn til að ná Meistaradeildarsæti.
Athugasemdir
