Joey Barton heldur fram sakleysi sínu en hann er sakaður um að hafa lamið eiginkonu sína með þeim afleiðingum að hún hlaut áverka á höfði.
Barton og Georgia McNeil hafa verið saman síðan í æsku en þau giftu sig fyrir tveimur árum.
Samkvæmt enskum fjölmiðlum er Barton, sem er stjóri enska D-deildarliðsins Bristol Rovers, sagður hafa veist að eiginkonu sinni í gleðskap á heimili vinafólks þeirra í London.
Barton og Georgia McNeil hafa verið saman síðan í æsku en þau giftu sig fyrir tveimur árum.
Samkvæmt enskum fjölmiðlum er Barton, sem er stjóri enska D-deildarliðsins Bristol Rovers, sagður hafa veist að eiginkonu sinni í gleðskap á heimili vinafólks þeirra í London.
Barton kom fyrir dóm í morgun, gegnum fjarfundarbúnað, og sagðist vera saklaus.
Sagt er að hann hafi gripið um háls McNeil og sparkað í höfuð hennar eftir hávært rifrildi þeirra fyrir utan heimili vinafólks. Það blæddi úr nösum hennar og hún hringdi í kjölfarið á lögregluna.
Barton segir að þessi atburðarás sé uppspuni og engin árás hafi átt sér stað.
Í gegnum lífsleiðina hefur gustað mikið um Barton en hann hefur tvívegis fengið dóm fyrir ofbeldi. Í 2008 var hann í slagsmálum í miðbæ Liverpool og þá fékk hann einnig dóm fyrir að ráðast á liðsfélaga sinn Ousmane Dabo á æfingasvæði Manchester City.
Athugasemdir