Það eru þrír leikir á dagskrá í forkeppni Meistaradeildarinnar í dag og í kvöld þar sem Celtic er meðal félaga sem fá tækifæri til að tryggja sér þátttöku í deildarkeppninni í haust.
Celtic heimsækir Kairat Almaty til Kasakstan en liðin gerðu markalaust í fyrri leiknum í Skotlandi.
Skotlandsmeistararnir margföldu eiga erfiðan leik framundan en þjálfari þeirra Brendan Rodgers hefur verið að gera flotta hluti og er eftirsóttur af félögum í ensku úrvalsdeildinni.
Celtic er að berjast um sæti í deildarkeppni Meistaradeildarinnar alveg eins og liðin sem mæta til leiks í kvöldleikjunum. Þar eru Norðmennirnir í liði Bodö/Glimt svo gott sem komnir áfram eftir fimm marka sigur í fyrri leiknum gegn austurríska stórveldinu Sturm Graz.
Að lokum þarf Crvena zvezda frá Serbíu, betur þekkt sem Rauða stjarnan, að sigra gegn Pafos í Kýpur eftir óvænt tap í fyrri leiknum sem fór fram á heimavelli.
Leikir dagsins
16:45 Kairat Almaty - Celtic (0-0)
19:00 Pafos - Crvena zvezda (2-1)
19:00 Sturm Graz - Bodö/Glimt (0-5)
Athugasemdir
