Kjartan Kári skoraði dramatískt jöfnunarmark
FH 1 - 1 ÍBV
0-1 Hermann Þór Ragnarsson ('88 )
1-1 Kjartan Kári Halldórsson ('96 )
Rautt spjald: Tómas Orri Róbertsson, FH ('92)
Lestu um leikinn
0-1 Hermann Þór Ragnarsson ('88 )
1-1 Kjartan Kári Halldórsson ('96 )
Rautt spjald: Tómas Orri Róbertsson, FH ('92)
Lestu um leikinn
Það var ótrúleg dramatík þegar FH og ÍBV skildu jöfn í Kaplakrika í kvöld.
FH byrjaði leikinn af krafti. Dagur Örn Fjeldsteð fékk gott tækifæri á fyrstu andartökum leiksins en skaut framhjá. Oliver Heiðarsson fékk tækifæri fyrir ÍBV stuttu síðar en átti skot í stöng.
Björn Daníel Sverrisson komst síðan í gegn en skotið beint á Marcel Zapytowski.
Zapytowski þurfti að taka á honum stóra sínum eftir klukkutíma leik. Fyrst varði hann skot frá Kjartani Kára eftir aukaspyrnu og svo fékk Bjarni Guðjón Brynjólfsson upplagt tækifæri en Zapytowski varði skallann frá honum.
Það var ótrúleg dramatík í lokin því Arnar Breki Gunnarsson átti fyrirgjöf og Hermann Þór Ragnarsson kom boltanum í netið. Vont versnaði fyrir FH-inga þegar Tómas Orri Róbertsson fekk sitt seinna gula spjald og þar með rautt fyrir tuð í uppbótatíma.
Það stefndi allt í fyrsta tap FH á heimavelli en liðið fékk aukaspyrnu rétt fyrir utan teiginn. Kjartan Kári Halldórsson tók spyrnuna og skoraði og tryggði FH stig á síðustu andartökunum.
FH er komið upp í 5. sæti en liðið er með 26 stig, jafn mörg stig og Vestri og KA sem eru í sætunum fyrir neðan. ÍBV er í 9. sæti með 25 stig.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 19 | 11 | 4 | 4 | 47 - 28 | +19 | 37 |
| 2. Víkingur R. | 19 | 10 | 5 | 4 | 34 - 24 | +10 | 35 |
| 3. Breiðablik | 19 | 9 | 5 | 5 | 34 - 29 | +5 | 32 |
| 4. Stjarnan | 19 | 9 | 4 | 6 | 36 - 31 | +5 | 31 |
| 5. FH | 20 | 7 | 5 | 8 | 37 - 32 | +5 | 26 |
| 6. Vestri | 19 | 8 | 2 | 9 | 20 - 19 | +1 | 26 |
| 7. KA | 20 | 7 | 5 | 8 | 23 - 35 | -12 | 26 |
| 8. Fram | 20 | 7 | 4 | 9 | 28 - 28 | 0 | 25 |
| 9. ÍBV | 20 | 7 | 4 | 9 | 21 - 27 | -6 | 25 |
| 10. KR | 19 | 6 | 5 | 8 | 40 - 41 | -1 | 23 |
| 11. Afturelding | 19 | 5 | 6 | 8 | 24 - 30 | -6 | 21 |
| 12. ÍA | 19 | 5 | 1 | 13 | 20 - 40 | -20 | 16 |
Athugasemdir
