ökull Elísabetarson, þjálfari Stjörnunnar.
Stjarnan fór í heimsókn á Meistaravelli og mætti KR í Bestu-deildinni fyrr í kvöld. Leikar enduðu með 1-2 tapi KR, þar sem Örvar Eggertsson skoraði sigurmark Stjörnunnar undir lok leiks. Jökull Elísabetarson, þjálfari Stjörnunnar, mætti í viðtal eftir leik.
Lestu um leikinn: KR 1 - 2 Stjarnan
„Þeir voru sterkari aðilinn i dag, við áttum ekki frábæran leik. En ég er ánægður með það sem við gerðum vel. Við tókum yfir á kafla í stöðunni 1-1. Þá fannst ég mér við taka yfir og sækja sigurinn og það gekk. Það eru einhverjir jákvæðir kaflar, en heilt yfir erum við allir þar inni í þessum klefa að við ætlum að gera betur en í dag.“
Bæði mörk Stjörnunnar komu eftir hornspyrnur.
„Það er mikill munur á þessum liðum í föstum leikatriðum þannig við lögðum áherslu á það og menn gerðu það vel.“
Með sigrinum kemur Stjarnan sér upp í 3. sæti deildarinnar, þremur stigum á eftir toppliði Vals sem á leik til góða.
„Tilfinningin er góð, það er góð stemning í liðinu. Mér líður eins og við séum á góðum stað. En við ætlum að gera betur en í dag.“
„Við erum ekki að horfa í fjórða eða þriðja sætið, við ætlum okkur meira, en eftir leikinn í dag held ég að við eigum fullt í fangi með að vera beittir og orkumiklir.“
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
