Kristján Guðmundsson
Kristján Guðmundsson er tekinn við kvennaliði Damaiense í Portúgal, en samningur hans gildir næstu tvö tímabil. Þetta kemur fram í tilkynningu frá félaginu í dag.
Þjálfarinn sagði upp störfum hjá Val á dögunum eftir að hafa stýrt liðinu í tæpt ár.
Kristján er stórt nafn í þjálfarabransanum á Íslandi, en hann stýrði karlaliði Vals í tvö ári og kom að bikarmeistaratitlum með bæði Keflavík og ÍBV. Áður en hann tók við Val síðasta haust hafði hann stýrt kvennaliði Stjörnunnar í sex ár.
Hann er kominn með nýtt gigg en hann er tekinn við úrvalsdeildarliði Damaiense í Portúgal. Samningur hans gildir til næstu tveggja ára, en hann tekur við af Tomás Tengarrinha sem var látinn taka poka sinn fyrr í sumar.
Áhugamenn um kvennaboltann ættu að þekkja ágætlega til Damaiense en Þorlákur Árnason stýrði liðinu frá 2023 til 2024 áður en hann kom aftur heim og tók við ÍBV.
Liðið hafnaði í 8. sæti á síðustu leiktíð.
Athugasemdir
