Heimir vann enn einn titilinn í dag.
Heimir Guðjónsson, þjálfari FH, var að vonum ánægður eftir að hans menn tryggðu sér Íslandsmeistaratitlinn í Kaplakrika í dag.
FH-ingar unnu 2-1 sigur gegn Fjölni í næstsíðustu umferð Pepsi-deildarinnar og tryggðu sér titilinn þannig.
FH-ingar unnu 2-1 sigur gegn Fjölni í næstsíðustu umferð Pepsi-deildarinnar og tryggðu sér titilinn þannig.
Lestu um leikinn: FH 2 - 1 Fjölnir
„Þetta er búið að vera langt og strangt sumar og frábært að enda þetta svona. Ég er stoltur af leikmönnum FH, við héldum áfram allan tímann og unnum þetta verðskuldað," sagði Heimir við Fótbolta.net.
„Við vorum klaufar á móti Breiðablik og lærðum af því. Eftir að Fjölnir jafnaði þennan leik, fljótlega eftir það tókum við yfir leikinn og skoruðum markið sem við þurftum. Það er frábært að vinna þetta á heimavelli fyrir framan þessa frábæru stuðningsmenn."
„Ég er orðinn allt of gamall til að lýsa tilfinningunum, þú getur spurt einhverja af ungu drengjunum um það."
Viðtalið má sjá hér að ofan.
