mið 27. janúar 2016 09:34
Magnús Már Einarsson
Ingvar Jónsson til Sandefjord (Staðfest)
Mynd: Fótbolti.net - Hafliði Breiðfjörð
Ingvar Jónsson hefur gengið til liðs við Sandefjord í norsku B-deildinni en hann hefur skrifað undir þriggja ára samning við félagið.

Ingvar var besti leikmaður Pepsi-deildarinnar þegar Stjarnan varð Íslandsmeistari árið 2014.

Í kjölfarið fór Ingvar til Start í Noregi en þar var hann á eftir Håkon Opdal í röðinni og mátti sætta sig við bekkjarsetu.

Eftir að hafa verið á láni hjá Sandnes Ulf síðari hlutann af síðasta tímabili þá mun Ingvar leika aftur í norsku B-deildinni í ár.

Hinn 26 ára gamli Ingvar hefur verið viðloðandi íslenska landsliðshópinn en hann spilaði gegn Finnum og Sameinuðu arabísku Furstadæmunum fyrr í mánuðinum.
Athugasemdir
banner
banner