Pep Guardiola, stjóri Manchester City, gat leyft sér að brosa eftir 6-2 sigurinn á Luton í 5. umferð enska bikarsins í kvöld, en tveir af hans bestu mönnum áttu stórleik.
Erling Braut Haaland er kominn í gang og það á besta tíma. Hann skoraði fimm mörk, en félagi hans, Kevin de Bruyne, lagði upp fjögur af fimm mörkum hans.
„Hvað get ég sagt? Þetta var mjög gott. Erling er á eldi og Kevin...tenging þeirra er fullkomin. Þetta var virkilega góður leikur og við erum komnir í 8-liða úrslit,“ sagði Guardiola.
„Kevin þarf leikmenn eins og Erling, og Erling þarf leikmenn eins og Kevin. Við erum ekki hér án hinna. Stórt hrós á alla.“
Guardiola var ánægður með framlag allra og vonast nú til þess að snúa aftur á Wembley. Undanúrslitin eru spiluð á Wembley eins og sjálfur úrslitaleikurinn.
„Við unnum síðustu tvo leikina 1-0 og gegn Chelsea spiluðum við vel í seinni hálfleiknum en gátum ekki unnið. Við tökum einn leik í einu. Enski bikarinn er mjög góð keppni og við erum einum leik frá því að komast aftur á Wembley
Athugasemdir
