Jóhannes Karl Guðjónsson þjálfari FH
Jóhannes Karl Guðjónsson og lærisveinar hans í FH þurfa að bíða lengur eftir fyrsta sigrinum í Bestu deild karla í ár þegar KR sigraði 4-2 á Meistarvöllum í kvöld.
"Þetta var frammistaða að okkar skapi, við vorum búnir að ræða um það fyrirfram að við vildum mæta inn í leikina að miklu meiri krafti. Hafa meiri sjálfstraust og trú á því sem við erum að gera og strákarnir voru að mörgu leyti mjög flottir", sagði Jóhannes Karl um spilamennsku liðsins
"Þetta var frammistaða að okkar skapi, við vorum búnir að ræða um það fyrirfram að við vildum mæta inn í leikina að miklu meiri krafti. Hafa meiri sjálfstraust og trú á því sem við erum að gera og strákarnir voru að mörgu leyti mjög flottir", sagði Jóhannes Karl um spilamennsku liðsins
Lestu um leikinn: KR 4 - 2 FH
Úlfur Ágúst Björnsson var í fyrsta sinn í byrjunarliðinu í sumar og fékk hann dauðafæri strax á fyrstu mínútu leiks en Halldór Snær í marki KR varði vel.
Hefði mark strax á fyrstu mínútu breytt leiknum?
"Já já auðvitað og við vorum kannski pínu klaufar. Við vitum það að KRingar eru góðir þegar þeir tapa boltanum og pressa aftur. Við ætluðum okkur að nýta það töluvert betur."
Á 18. mínútu leiks kom upp stórt atvik þegar Aron Sigurðarson braut á Róberti Huga en Arnar dómari beitti hagnaðarreglunni sem varð þó til þess að FH tapaði boltanum fljótt og fékk á sig mark sem kom heimamönnum í 2-1.
"Arnar (dómari) leyfir leiknum að fljóta og þeir taka af okkur boltann og bruna upp og skora. Auðvitað átti margt eftir að gerast, það voru komnir fimm sex leikmenn í kringum Robba (Róbert Hugi) og ég skil ekki alveg hagnaðinn í því augnabliki.
En vissi Jói að FH voru með boltann í heilar 6 sekúndur eftir að hagnaðarreglunni var beytt?
"Það er engin regla um það hvað boltinn þarf að vera lengi í leik eftir að hann (Arnar dómari) beytir hagnaði. Hann má dæma á þetta hvenær sem er. Arnar hefði bara átt að meta stöðuna þannig að Róbert Hugi gat sáralítið gert í stöðunni með fullt af KRingum í kringum sig"
Nú eru einungis tveir dagar í að glugginn loki, ætlar FH að bæta við sig leikmönnum og þá hugsanlega Jóhannesi Kristni Bjarnasyni?
"Það er erfitt að nefna leikmenn sem eru samningsbundnir öðrum liðum, en við vitum alveg að það eru leikmenn í íslenskum liðum sem eru ósáttir. Við erum að skoða hvort að réttu týpurnar séu á lausu og vilja koma til okkar".
Viðtalið í heild má sjá í spilaranum hér fyrir ofan.
