Jökull í byrjunarliðinu gegn Leyton Orient

Jökull Andrésson er í byrjunarliði Exeter sem mætir Leyton Orient á útivelli í ensku D-deildinni í kvöld. Leikurinn hefst klukkan 19:00. Leikurinn í kvöld er fyrsti leikur Jökuls í atvinnumannadeild.

Jökull er á neyðarláni hjá Exeter sem gildir í viku. Félagaskiptaglugginn á Englandi er lokaður og því þurfti Exeter að fá undanþágu. Undanþáguna fær liðið þar sem markverðir liðsins eru fjarri góðu gamni.

Jökull er nítján ára gamall og gekk í raðir Reading frá Aftureldingu árið 2017. Reading er í toppsæti B-deildarinnar, Championship, og er Jökull þriðji markvörður liðsins.

Exeter er í fimmta sæti deildarinnar fyrir leikinn í kvöld og Leyton Orient í fjórtánda sæti.