Eddie Howe þjálfari Newcastle svaraði spurningum eftir tap á heimavelli gegn varaliði Manchester City í 16-liða úrslitum enska bikarsins í gærkvöldi.
Heimamenn byrjuðu af krafti, fengu góð færi og náðu forystunni áður en gestirnir tóku völdin á vellinum.
„Þetta var góð byrjun hjá okkur, við vorum virkilega öflugir fyrsta hálftímann en svo voru tveir hlutir sem urðu til þess að við töpuðum leiknum. Í fyrsta lagi vantaði meira bensín á tankinn og í öðru lagi spiluðu andstæðingarnir okkar ótrúlega vel. Við verðum að sætta okkur við það," sagði Howe.
„Við náðum ekki að halda í boltann, þeir voru ótrúlega góðir í dag. Ég verð að þakka stuðningsmönnum sérstaklega fyrir, þeir stóðu við bakið á okkur allan tímann þrátt fyrir lélegan seinni hálfleik. Við erum stoltir af stuðningnum - við munum þurfa á honum að halda í Meistaradeildinni!"
Newcastle hefur ekki átt sérlega gott tímabil í ensku úrvalsdeildinni og er um miðja deild með 39 stig eftir 29 umferðir, en liðið á leiki framundan við Barcelona í 16-liða úrslitum Meistaradeildarinnar.
„Núna fer öll einbeitingin á þriðjudaginn. Það eru tveir risastórir leikir framundan."
Newcastle spilar við Chelsea í úrvalsdeildinni á milli leikjanna gegn Barcelona.
Þetta var fjórði leikurinn í röð sem Newcastle tapar gegn Man City á þessu dagatalsári, eftir að hafa lagt lærlinga Pep Guardiola að velli í lok nóvember.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 30 | 20 | 7 | 3 | 59 | 22 | +37 | 67 |
| 2 | Man City | 29 | 18 | 6 | 5 | 59 | 27 | +32 | 60 |
| 3 | Man Utd | 29 | 14 | 9 | 6 | 51 | 40 | +11 | 51 |
| 4 | Aston Villa | 29 | 15 | 6 | 8 | 39 | 34 | +5 | 51 |
| 5 | Chelsea | 29 | 13 | 9 | 7 | 53 | 34 | +19 | 48 |
| 6 | Liverpool | 29 | 14 | 6 | 9 | 48 | 39 | +9 | 48 |
| 7 | Brentford | 29 | 13 | 5 | 11 | 44 | 40 | +4 | 44 |
| 8 | Everton | 29 | 12 | 7 | 10 | 34 | 33 | +1 | 43 |
| 9 | Bournemouth | 29 | 9 | 13 | 7 | 44 | 46 | -2 | 40 |
| 10 | Fulham | 29 | 12 | 4 | 13 | 40 | 43 | -3 | 40 |
| 11 | Sunderland | 29 | 10 | 10 | 9 | 30 | 34 | -4 | 40 |
| 12 | Newcastle | 29 | 11 | 6 | 12 | 42 | 43 | -1 | 39 |
| 13 | Crystal Palace | 29 | 10 | 8 | 11 | 33 | 35 | -2 | 38 |
| 14 | Brighton | 29 | 9 | 10 | 10 | 38 | 36 | +2 | 37 |
| 15 | Leeds | 29 | 7 | 10 | 12 | 37 | 48 | -11 | 31 |
| 16 | Tottenham | 29 | 7 | 8 | 14 | 39 | 46 | -7 | 29 |
| 17 | Nott. Forest | 29 | 7 | 7 | 15 | 28 | 43 | -15 | 28 |
| 18 | West Ham | 29 | 7 | 7 | 15 | 35 | 54 | -19 | 28 |
| 19 | Burnley | 29 | 4 | 7 | 18 | 32 | 58 | -26 | 19 |
| 20 | Wolves | 30 | 3 | 7 | 20 | 22 | 52 | -30 | 16 |
Athugasemdir
