28.02.20 - 19:47
Guðmundur Aðalsteinn Ásgeirsson
Hólmbert fór sárkvalinn af velli í æfingaleik gegn Molde
Hólmbert lék með Stjörnunni áður en hann hélt til Noregs.
Mynd: Raggi Óla
Hólmbert lék með Stjörnunni áður en hann hélt til Noregs.
Mynd: Raggi Óla
Hólmbert Aron Friðjónsson fór meiddur af velli eftir 22 mínútur í 5-2 tapi Álasunds gegn Molde í æfingaleik í Noregi í dag. Talið er að um alvarleg hnémeiðsli sé að ræða en Hólmbert var sárkvalinn.
Sagt er frá því á Morgunblaðinu að óttast sé að Hólmbert sé með slitið krossband og að hann gæti þess vegna misst af öllu tímabilinu sem framundan er.
Álasund komst upp úr B-deildinni í fyrra og skoraði Hólmbert þá sex mörk í 24 leikjum. Tímabilið þar áður skoraði hann 20 mörk í 30 leikjum.
Keppni í norsku úrvalsdeildinni hefst í byrjun apríl.
Hólmbert er 26 ára gamall og hefur verið á mála hjá Álasundi frá 2018. Einnig hefur hann leikið fyrir HK, Fram, KR, Stjörnuna, Bröndby og Celtic á sínum ferli.
Álasund komst upp úr B-deildinni í fyrra og skoraði Hólmbert þá sex mörk í 24 leikjum. Tímabilið þar áður skoraði hann 20 mörk í 30 leikjum.
Keppni í norsku úrvalsdeildinni hefst í byrjun apríl.
Hólmbert er 26 ára gamall og hefur verið á mála hjá Álasundi frá 2018. Einnig hefur hann leikið fyrir HK, Fram, KR, Stjörnuna, Bröndby og Celtic á sínum ferli.
