Sverrir Ingi Ingason í U21-landsleik.
Varnarmaðurinn Sverrir Ingi Ingason er ánægður með tímabil sitt persónulega hjá norska liðinu Viking í Stafangri. Sverrir er einn fimm Íslendinga í liðinu sem situr í sjötta sæti norsku úrvalsdeildarinnar.
Sverrir kom til Noregs frá Breiðabliki fyrir tímabilið en hann er eini leikmaður Viking sem hefur spilað hverja einustu mínútu.
Sverrir kom til Noregs frá Breiðabliki fyrir tímabilið en hann er eini leikmaður Viking sem hefur spilað hverja einustu mínútu.
„Það er kannski ekki oft sem leikmaður fer í fyrsta sinn í atvinnumennsku og fær þennan spilatíma sem ég hef fengið. Ég er mjög þakklátur fyrir það og ég er ekki í nokkrum vafa um að ég hef bætt mig sem leikmaður," sagði Sverrir í viðtali í útvarpsþættinum Fótbolti.net á laugardaginn.
Á dögunum fjölluðu norskir fjölmiðlar um atvik sem átti sér stað þar sem leikmaður Viking var handtekinn vegna óláta á skemmtistað. Í framhaldi af því var sagt að innan herbúða Viking væri ákveðin áfengismenning.
„Þetta var allt blásið upp og blöðin fóru að skrifa um að það væri of mikil neysla á víni innan liðsins. Þetta var meira og minna uppspuni en þetta slys gerðist og í boltanum koma upp svona atvik og það þarf bara að tækla þau," sagði Sverrir.
Hægt er að hlusta á viðtalið í heild sinni í spilaranum hér að ofan en þar ræðir Sverrir meðal annars um tímabilið í Noregi og frammistöðu liðsins.
Athugasemdir
