Það var mikil skemmtun í boði er Augnablik tók á móti Aftureldingu í síðasta leik kvöldsins í Lengjudeild kvenna.

Kópavogsstúlkur tóku forystuna og leiddu 2-1 í hálfleik eftir mörk frá Vigdísi Lilju Kristjánsdóttur og Þórhildi Þórhallsdóttur. Vigdís Lilja gerði svo þriðja mark Augnabliks í síðari hálfleik en Kristín Þóra Birgisdóttir minnkaði muninn fyrir Mosfellinga.

Rakel Leósdóttir, sem kom inn af bekknum á 68. mínútu, gerði jöfnunarmark á lokakaflanum og bjargaði stigi fyrir Aftureldingu.

Bæði lið eru um miðja deild eftir jafnteflið. Afturelding með níu stig eftir sjö umferðir á meðan Augnablik er með átta stig og leik til góða.

Það getur tekið tíma fyrir stöðutöfluna að uppfærast.