Það er ávallt hægt að treysta á það að Thomas Müller, leikmaður Evrópumeistara Bayern München, sé hress.
Það muna örugglega margir eftir því þegar hann kallaði samherja sinn, Robert Lewandowski, "Robert Lewangoalski" fyrr á árinu. Alveg hreint út sagt frábær brandari.
Í kvöld ræddi hann við fjölmiðlamann frá Bretlandi eftir 3-1 sigur gegn Stuttgart. Hann ákvað því að vísa í hið fræga 'Windy Night In Stoke', það sem hægt að þýða sem 'vindasamt kvöld í Stoke' á íslensku.
Þetta er mjög frægur fótboltafrasi. Þegar verið er að tala um bestu fótboltamenn eða fótboltalið í heimi er stundum spurt að því í gríni hvort að þau gætu sýnt sínar bestu hliðar á 'vindasömu kvöldi í Stoke'.
Frasinn varð frægur eftir að lýsandinn Andy Gray talaði um það tímabilið 2010/11 að Lionel Messi myndi eiga í vandræðum í ensku úrvalsdeildinni. Það var hans trú að Messi myndi ekki vera eins góður á Englandi og á Spáni, og þá myndi hann sérstaklega eiga í vandræðum í Stoke þar sem, það sem þá hét Britannia völlurinn, var með það orðspor að vera erfiður viðureignar fyrir útilið.
Müller gat hreinlega ekki beðið eftir að nota frasann í kvöld, en það virkaði engan veginn að nota hann um leikinn í kvöld.
„Hvernig segið þið Bretar? Þú verður að sýna að þú getur þetta á 'vindasömu kvöldi í Stoke'," sagði Müller.
„Það var ekki vindasamt í dag og Stuttgart er ekki Stoke, en Stuttgart er lið sem hefur verið að spila mjög vel síðustu vikur."
Það var ekki mikið samhengi þarna og í raun var engin ástæða fyrir Müller að nota frasann, fyrir utan það að hann vildi náttúrulega gera það. Hér að neðan má sjá myndband.
For more context, here’s more of my interview with Thomas Müller. https://t.co/6xhSzV455X
— Archie Rhind-Tutt (@archiert1) November 28, 2020
Athugasemdir