Íslenski landsliðsmaðurinn er orðinn fastamaður í liði Blackburn síðan hann kom frá Gent í sumar.

Hann byrjaði gegn QPR í kvöld og spilaði rúmar 70 mínútur, en sigurmark QPR kom fimm mínútum síðar er Paul Smyth skoraði með laglegum skalla eftir fyrirgjöf Ilias Chair.

Chris Wilder er búinn að finna taktinn með Sheffield United, en hann stýrði þeim til sigurs annan leikinn í röð er þeir unnu Portsmouth, 3-0, á Bramall Lane.

Sheffield United er komið upp úr fallsæti og í 16. sæti með 16 stig eftir sautján leiki.

Wrexham vann frábæran 2-0 sigur á Bristol City. Mark frá Nathan Broadhead og sjálfsmark Radek Vitek var nóg til að vinna sterka Bristol-menn.

Wrexham, sem er nýliði í deildinni, er í 10. sæti með 25 stig.

Alfons Sampsted og Willum Þór Willumsson voru ekki í hópnum hjá Birmingham sem gerði 1-1 jafntefli við WBA.

Birmingham er í 9. sæti með 25 stig en WBA í 17. sæti með 22 stig.

West Brom 1 - 1 Birmingham
1-0 Alex Mowatt ('12 )
1-1 Marvin Ducksch ('78 )

Blackburn 0 - 1 QPR
0-1 Paul Smyth ('78 )

Wrexham 2 - 0 Bristol City
1-0 Nathan Broadhead ('16 )
2-0 Radek Vitek ('74 , sjálfsmark)

Millwall 1 - 0 Sheffield Wed
1-0 Femi Azeez ('71 )

Sheffield Utd 3 - 0 Portsmouth
1-0 Sydie Peck ('41 , víti)
2-0 Patrick Bamford ('54 )
3-0 Gustavo Hamer ('73 )
Rautt spjald: Terry Devlin, Portsmouth ('39)