Danijel Djuric: Til hamingju með þetta Blikar
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Danijel Dejan Djuric, leikmaður Víkinga var svekktur með niðurstöðu leiksins gegn Blikum fyrr í dag en Víkingar mættu brattir til leiks og ætluðu sér að setja strik í stemninguna í Kópavoginum.
Það er óhætt að segja að Danijel hafi fengið sérstakar móttökur en hann er uppalinn hjá Breiðablik, stúkan lét hann óspart heyra það og svo var fast tekið á honum inná vellinum, fiskaði hann meðal annars Viktor Örn af velli sem í kjölfarið hafði það í för með sér að Óskar Hrafn fékk líka rauða spjaldið.
„Það var planið að eyðileggja partýið, leiðinlegt að það mistókst.''
„Við þorðum ekki að spila okkar leik í fyrri hálfleik en þeir fengu að spila sinn leik, við töluðum um það í hálfleik og seinni hálfleikurinn var miklu betri.''
„Innilega til hamingju með þetta Blikar, eins sárt og það er þá bara til hamingju.''
Viðtalið í heild sinni má sjá í spilaranum hér að ofan en þar fer Danijel nánar í saumana á leiknum og þeim móttökum sem hann fékk, ásamt áframhaldinu með Víkingum.
