Óskar Örn Hauksson.
„Það var gaman að spila þennan leik," sagði Óskar Örn Hauksson, leikmaður Stjörnunnar, eftir að hafa skorað á sínum gamla heimavelli í 0-2 sigri gegn KR í lokaumferð Bestu deildarinnar.
Þegar viðtalið var að byrja mátti heyra Rúnar Kristinsson, þjálfara KR, segja við Óskar að hann væri ekkert hættur í fótbolta, þetta væri ekkert þannig viðtal. Óskar, sem er 38 ára, svaraði í léttum tón: „Ég er rétt að byrja."
Þegar viðtalið var að byrja mátti heyra Rúnar Kristinsson, þjálfara KR, segja við Óskar að hann væri ekkert hættur í fótbolta, þetta væri ekkert þannig viðtal. Óskar, sem er 38 ára, svaraði í léttum tón: „Ég er rétt að byrja."
Lestu um leikinn: KR 0 - 2 Stjarnan
Óskar gekk í raðir Stjörnunnar fyrir leiktíðina en hann hefur þurft að sætta sig við nokkuð mikla bekkjarsetu á tímabilinu, meira en hann hefur kynnst áður. Í dag byrjaði hann og var á skotskónum.
Þegar hann er spurður út í tímabilið þá segir hann: „Skrítið maður. Ég á eftir að melta það, maður er rétt að ná andanum eftir leik og svo á maður eftir að líta yfir sumarið."
Hann hefur verið orðaður við Njarðvík, uppeldisfélag sitt. Er hann eitthvað búinn að heyra í þeim?
„Nei, það er ekkert til í því þannig. Ég og Stjarnan eigum eftir að setjast niður og ræða okkar mál, hvernig framhaldið verður. Við tökum stöðuna fljótlega," sagði Óskar sem er á leið í sólina í Orlando í frí.
Athugasemdir
