Liðin í ensku úrvalsdeildinni eru ekki að hlaupa eins mikið og þau gerðu á síðasta tímabili. Leeds er þar á meðal en Marcelo Bielsa stjóri félagsins telur að of mikið leikjaálag sé þess valdandi að gæðin fari minnkandi.
Bielsa lýsti yfir áhyggjum á fréttamannafundi í dag og segir að pökkuð leikjadagskrá hafi neikvæð áhrif á vöruna sem enski boltinn er.
Bielsa lýsti yfir áhyggjum á fréttamannafundi í dag og segir að pökkuð leikjadagskrá hafi neikvæð áhrif á vöruna sem enski boltinn er.
„Það er afskaplega sorglegt að fótboltinn fari versnandi," segir Bielsa.
„Það er alveg galið að auka markaðssetningu á vöru og vilja auka tekjurnar þegar varan er að verða verri."
Bestu leikmenn heims í dag fá afskaplega lítið frí og þegar landsliðsverkefni bætast ofan á er leikjafjöldi margra á einu ári orðinn gríðarlega mikill.
Athugasemdir