Elías Rafn
Jonas Lössl.
Í útvarpsþættinum Fótbolti.net sem var að venju á dagskrá á laugardag var rætt um markvarðamál FC Midtjylland í Danmörku. Elías Rafn Ólafsson hafði varið mark Midtjylland í talsverðan tíma áður en svo Jonas Lössl spilaði síðustu tvo leiki.
Bo Henriksen, fyrrum leikmaður Fram, ÍBV og Vals, er þjálfari FC Midtjylland í dag. Tómas Þór Þórðarson, annar af þáttarstjórnendum útvarpsþáttarins, er ekki ánægður með Bo.
„Ég er mjög óánægður með hann. Hann er með markmann sem hefur staðið sig vel, FC Midtjylland þykist standa fyrir það að spila á ungum drengjum til að búa til sölu. Félagið hefur selt leikmenn fyrir fullt af peningum."
„Svo fær Elías á sig nokkur mörk um daginn [gegn AGF], einu sinni eftir að hafa verið algjörlega frábær og Lösslaranum [Jonas Lössl], sem er pottþétt búinn að vera grenjandi síðustu vikur, er hent aftur í rammann af því það er þægilegra," sagði Tómas.
„Við stimplum þetta sem veikleikamerki hjá Bo, að hann sé ekki með nefið í þetta," sagði Elvar Geir Magnússon.
„Við erum hlutdrægir Íslendingar. Bo er hálfur Íslendingur og þess vegna erum við svona reiðir út í hann."
„Hann á að hafa Elías í markinu," sagði Tómas.
Elías er 21 árs gamall og hefur verið hjá Midtjylland frá árinu 2018. Hann hefur varið mark Íslands í síðustu þremur leikjum landsliðsins.
Midtjylland á leik í kvöld gegn Vejle í dönsku Superliga. Leikurinn er í beinni á ViaPlay.
Bo Henriksen
Stöðutaflan
Danmörk
Danmörk - karlar
Danmörk
Danmörk - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | FCK | 17 | 9 | 6 | 2 | 32 | 19 | +13 | 33 |
| 2 | Midtjylland | 17 | 10 | 3 | 4 | 31 | 22 | +9 | 33 |
| 3 | Randers FC | 17 | 8 | 6 | 3 | 31 | 19 | +12 | 30 |
| 4 | AGF Aarhus | 17 | 7 | 7 | 3 | 30 | 17 | +13 | 28 |
| 5 | Brondby | 17 | 7 | 6 | 4 | 31 | 22 | +9 | 27 |
| 6 | Silkeborg | 17 | 6 | 8 | 3 | 29 | 23 | +6 | 26 |
| 7 | FC Nordsjaelland | 17 | 7 | 5 | 5 | 30 | 29 | +1 | 26 |
| 8 | Viborg | 17 | 5 | 6 | 6 | 29 | 27 | +2 | 21 |
| 9 | AaB Aalborg | 17 | 4 | 5 | 8 | 18 | 31 | -13 | 17 |
| 10 | Sonderjylland | 17 | 4 | 4 | 9 | 21 | 37 | -16 | 16 |
| 11 | Lyngby | 17 | 1 | 7 | 9 | 12 | 24 | -12 | 10 |
| 12 | Vejle | 17 | 1 | 3 | 13 | 16 | 40 | -24 | 6 |
Athugasemdir
