Brasilíski miðvörðurinn Felipe er að öllum líkindum á leið til Nottingham Forest í fallbaráttu ensku úrvalsdeildarinnar. Viðræður eru í gangi á milli Forest og Atletico Madrid og ætti að ljúka innan skamms.
Felipe er 33 ára reynslubolti sem verður 34 ára í maí og hefur spilað yfir 100 leiki fyrir Atletico Madrid. Þar áður var Felipe hjá Porto og Corinthians, en hann á aðeins tvo landsleiki að baki fyrir Brasilíu.
Forest hefur verið að reyna að krækja í Felipe í nokkrar vikur en Bayer Leverkusen reyndi að stela honum í dag - án árangurs. Leverkuen
Felipe rennur út á samningi næsta sumar og er Atletico reiðubúið að hleypa honum burt ef félaginu tekst að landa miðverði til að fylla í skarðið. Caglar Söyüncü gengur í raðir Atletico þegar samningur hans við Leicester rennur út næsta sumar. Atletico er í viðræðum við Leicester um kaupverð til að fá hann fyrr.
Forest er því að krækja í Felipe og Jonjo Shelvey frá Newcastle en óvissa ríkir varðandi möguleg félagsskipti Keylor Navas frá PSG.
