Óskar Hrafn var ánægður með að komast áfram í bikarnum en Breiðablik vann Gróttu 3-0 á Kópavogsvelli fyrr í kvöld og tryggði sig þar með sæti í 8. liða úrslitum Mjólkurbikars karla.
Lestu um leikinn: Breiðablik 3 - 0 Grótta
„Jájá ég er alveg ágætlega sáttur, fyrri hálfleikur kannski ekkert sérstakur af okkar hálfu þar sem við vorum hægir í okkar aðgerðum og hefðum svosem getað lent undir í byrjun.''
„Eftir markið sem við skorum á góðum tíma rétt fyrir hálfleik náðum við að hafa góða stjórn á þessum leik.''
Brynjólfur spilaði fyrri hálfleikinn frammi en Thomas Mikkelsen kom inná í hálfleik og þá fór Brynjólfur neðar á völlinn, getur Brynjólfur leyst Thomas af?
„Hann getur svo sannarlega leyst hann af sem framherji.''
Viðtalið í heild sinni má sjá í spilaranum hér að ofan en þar talar Óskar meðal annars betur um leikinn og uppleggið, hvaða stöður Brynjólfur getur spilað og um ástandið eins og það er í dag.
Athugasemdir
