Ólafur Kristjánsson.
Ólafur Kristjánsson verður áfram þjálfari FH á næsta tímabili. Ólafur kom FH í bikarúrslit í sumar og um helgina tryggði liðið sér 3. sæti í Pepsi Max-deildinni og Evrópusæti á næsta ári.
„Óli verður áfram, það er alveg skýrt," sagði Valdimar Svavarsson, formaður knattspyrnudeildar FH, í samtali við Fótbolta.net í dag.
Aðspurður út í þjálfarateymið sagði Valdimar: „Þetta verður í grunninn svipað. Óli verður áfram og hann hefur mest með það að gera hvaða hóp hann vill hafa í kringum sig."
„Óli verður áfram, það er alveg skýrt," sagði Valdimar Svavarsson, formaður knattspyrnudeildar FH, í samtali við Fótbolta.net í dag.
Aðspurður út í þjálfarateymið sagði Valdimar: „Þetta verður í grunninn svipað. Óli verður áfram og hann hefur mest með það að gera hvaða hóp hann vill hafa í kringum sig."
Einhverjar breytingar verða á leikmannahópi FH. Davíð Þór Viðarsson hefur lagt skóna á hilluna og þeir Atli Guðnason, Cedric D´ulivo, Geoffrey Castillion, Gunnar Nielsen, Kristinn Steindórsson, Morten Beck Andersen, Pétur Viðarsson og Þórir Jóhann Helgason eru allir samningslausir.
„Við erum að fara yfir þessi mál eftir að við vitum hvernig staðan er. Við erum með nokkra sem eru samningslausir. Það er ekkert ólíklegt að einhverjir hverfi á braut," sagði Valdiimar.
„Við höfum viljað láta hópinn þróast þannig að við séum ekki að umbylta öllu í einu. Þetta ræðst á næstu dögum, hvernig meginlínurnar eru í þessu. Það er ekkert öruggt, hvora leiðina sem er. Það eru aðilar eins og Atli Guðna þar sem það er hans ákvörðun hvort hann spilar eða ekki. Síðan eru einhverjir aðilar sem eru líklegri til að hætta en aðrir."
„VIð höfum líka áhuga á að bæta við okkur og styrkja ákveðna þætti. Við viljum ekki loka dyrum með einhverja sem eru hjá okkur þegar við vitum ekki hvernig heildarkapallinn mun líta út," sagði Valdimar.
Athugasemdir
