,,Er ekkert að loka á neitt''
Viktor Karl Einarsson skrifaði á dögunum undir fjögurra ára samning við Breiðablik. Hann mætti á skrifstofu Fótbolta.net í dag og ræddi um nýja samninginn, atvinnumennsku, landsliðið og komandi tímabil með Breiðabliki.
Viktor er 25 ára miðjumaður sem uppalinn er í Breiðabliki, fór 2013 til AZ Alkmaar í Hollandi var þar í fimm ár, millilenti í Varnämo í Svíþjóð þar sem hann var í rúmt hálft ár og kom aftur í Breiðablik fyrir tímabilið 2019.
Viðtalið í heild sinni má sjá í spilaranum að ofan
Viktor er 25 ára miðjumaður sem uppalinn er í Breiðabliki, fór 2013 til AZ Alkmaar í Hollandi var þar í fimm ár, millilenti í Varnämo í Svíþjóð þar sem hann var í rúmt hálft ár og kom aftur í Breiðablik fyrir tímabilið 2019.
Viðtalið í heild sinni má sjá í spilaranum að ofan
„Þetta var eitthvað sem kom upp á borðið og við ræddum. Mér fannst þetta bara spennandi og Blikum líka. Ég veit svo sem ekki af hverju fjögur ár en mér finnst bara allt sem er í gangi í Breiðabliki vera spennandi; þetta verkefni sem er í gangi og þessi vegferð sem við erum á. Ég var bara til í þetta," sagði Viktor.
Ertu að minnka eitthvað líkurnar á því að þú farir út í atvinnumennsku með því að skrifa undir fjögurra ára samning?
„Ég er lítið að pæla í því. Ég er bara spenntur fyrir komandi tímabili með Blikum og hef svo sem ekki verið mikið að pæla í einhverri atvinnumennsku. Ég held að ef þú stendur þig nógu vel og skorar fullt af mörkum þá kemur alltaf eitthvað tækifæri. Ég er ekkert að loka á neitt held ég en er að einbeita mér að Breiðabliki og því sem er í gangi þar."
Hafið þið Blikar horft mikið til baka á síðasta tímabil?
„Maður hefur oft hugsað til baka og auðvitað var þetta leiðinlegt. En það er eitthvað sem við tökum með okkur og ætlum að gera betur. Það er ekki hægt að horfa til baka og vera svekktur. Við erum bara spenntir fyrir komandi tímabili og ætlum að gera betur," sagði Viktor.
Athugasemdir
