Nico Paz
Spænska félagið Real Madrid er að ganga frá fyrstu kaupum sumargluggans en það lítur allt út fyrir að argentínski sóknartengiliðurinn Nico Paz sé á leið til félagsins frá Como.
Þetta er líklega eitt versta geymda leyndarmál félagaskiptagluggans til þessa.
Paz kom til Como frá Real Madrid árið 2024 og blómstrað í hlutverki sínu undir stjórn Cesc Fabregas.
Madrídingar settu 9 milljóna evra endurkaupsákvæði og eru stærstu spænsku miðlarnir sammála um að það verði nýtt í sumar. Fabrizio Romano segir Paz mikilvægan hluta af framtíð Madrídinga.
Ef Real Madrid hættir við mun það eiga möguleika á að fá Paz á næsta ári fyrir 10 milljónir evra.
Paz, sem er 21 árs gamall, hefur komið að sautján mörkum í 33 leikjum með Como á tímabilinu og skoraði þá á dögunum fyrsta A-landsliðsmark sitt með Argentínu í 2-1 sigri á Máritaníu.
Athugasemdir
