Odion Ighalo kom til Manchester United að láni frá Shanghai Shenhua í janúar. Allt benti til þess að hann myndi snúa til baka til Kína í dag en Manchester United er sagt svo gott sem búið að ganga frá framlengingu á lánssamningi nígeríska framherjans.
Shanghai var upprunalega einungis opið fyrir því að leyfa Ighalo að vera áfram á Englandi ef hann yrði keyptur til United. United hafði ekki áhuga á því.
Shanghai var upprunalega einungis opið fyrir því að leyfa Ighalo að vera áfram á Englandi ef hann yrði keyptur til United. United hafði ekki áhuga á því.
Ighalo hefur skorað fjögur mörk í átta leikjum með United en sett var stórt spurningarmerki um að fá þrítugan framherja að láni í janúar.
Heimildarmenn sem eru vel tengdir Ighalo segja að viðræður séu langt komnar og herma þeirra heimildir að Ighalo verði hjá United út janúar 2021.
Athugasemdir