Þýski landsliðsmaðurinn fyrrverandi Benedikt Höwedes er búinn að leggja fótboltaskóna á hilluna.
Höwedes er 32 ára gamall og lék síðast með Lokomotiv Moskvu í rússneska boltanum.
Hann spilaði fyrir Schalke næstum allan ferilinn. Hann var lánaður til Juventus 2017-18 en fékk lítinn spiltíma og fór að lokum til Moskvu.
Höwedes á 44 landsleiki að baki fyrir Þýskaland og spilaði allar mínúturnar er Þjóðverjar unnu HM 2014 í Brasilíu. Hann er goðsögn hjá Schalke og spilaði 335 leiki á tíu árum með meistaraflokki.
Athugasemdir
