Jón Þórir Sveinsson þjálfari Fram var svekktur eftir tap á útivelli gegn Gróttu í dag. Hann var þó sáttur með leik sinna manna sem hann telur verðskulda stig úr leiknum.

Grótta komst yfir í fyrri hálfleik og tvöfaldaði forystuna eftir leikhlé en Fram minnkaði muninn á 79. mínútu, aðeins tveimur mínútum áður en heimamenn skoruðu þriðja markið og gerðu út af við viðureignina.

„Við gáfum þeim góðan leik og mér fannst við hafa fengið nóg af færum til þess að skora fleiri mörk en á endanum standa þeir uppi sem sigurvegarar," sagði Jón Þórir.

„Það vantaði aðallega uppá færanýtinguna hjá okkur. Við héldum þeim meira og minna allan seinni hálfleikinn á þeirra vallarhelmingi og áttum ótal tækifæri en náðum ekki að nýta þau."

Fram er svo gott sem búið að missa af toppbaráttunni eftir þetta tap og segir Jón að markmiðið sé að vinna síðustu fjóra leikina.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit