Paulo Dybala.
Samband Paulo Dybala og Roma virðist hafa endað skyndilega á þessu frekar stormasama tímabili. Dybala hentar ekki í leikstíl Gian Piero Gasperini, stjóra Roma, þar sem hann er ekki nægilega líkamlega sterkur.
Samningur Dybala rennur út í sumar og mun hann þá yfirgefa Roma á frjálsri sölu.
Samningur Dybala rennur út í sumar og mun hann þá yfirgefa Roma á frjálsri sölu.
Jorge Antun, umboðsmaður Dybala, hefur verið myndaður í Róm í vikunni og vakti það athygli, en hann er ekki mættur til að ræða framtíð leikmannsins.
Hann er bara mættur til að heimsækja fjölskyldu Dybala og ekki síst dóttur hans sem fæddist bara fyrir rúmum þremur vikum.
Tvö áhugaverð tilboð liggja nú þegar á borðinu hjá umboðsmanni Dybala. Fyrra tilboðið, sem hefur þegar verið mikið rætt, myndi færa hann yfir til Argentínu þar sem Boca Juniors vill fá hann í sitt verkefni, undir forystu vinar hans Leandro Paredes.
Hitt tilboðið kemur frá Tyrklandi þar sem stórlið Galatasaray er tilbúið að bjóða honum þriggja ára samning með mun betri fjárhagslegum kjörum en í Argentínu, sérstaklega ef félagið tryggir sér sæti í Meistaradeildinni.
Athugasemdir
