Brentford hefur hafnað lánstilboði franska félagsins Lyon í portúgalska sóknartengiliðinn Fabio Carvalho en það er Fabrizio Romano sem segir frá þessu í dag.
Lyon óskaði eftir því að fá Carvalho á láni út tímabilið en tilboðinu var hafnað umsvifalaust.
Brentford hefur misst marga mikilvæga leikmenn í glugganum en þar má nefna þá Christian Norgaard, Bryan Mbeumo og Mark Flekken, og þá er Yoane Wissa á leið til Newcastle.
Carvalho, sem er 23 ára gamall, var ekki í stóru hlutverki hjá Brentford á síðustu leiktíð en eftir allar þessar brottfarir er ljóst að hans hlutverk verður stærra á þessu tímabili.
Hann byrjaði fyrsta deildarleikinn á móti Nottingham Forest og skoraði þá í 2-0 sigrinum á Bournemouth í enska deildabikarnum á dögunum.
Athugasemdir
