Fótbolti.net

Viktor ósáttur á bekknum: Fór í hálfgert blackout

Damir svekktur: Vorum tíu sekúndum frá þessu

Lárusi Orra létt: Okkur var heldur betur refsað í dag

Axel Óskar: Við erum miklu stærra lið samt

Nauðsynlegur sigur fyrir framtíð Jökuls? - „Ég er raunverulega ekki að pæla í því“

„Hann er uppalinn strákur sem hefur lagt mikið á sig til þess að ná langt"

Jóhann Árni: Tilfinningar brutust út

Davíð Smári pirraður: Vorum einhvern veginn ekki tilbúnir í fightið

Óskar Hrafn vanur því að detta úr bikar: Lífið heldur áfram

Gunnar Heiðar spenntur: Þetta er nýi núllpunkturinn

Aron Baldvin: Vissum að við myndum fá bestu útgáfuna af þeim

Ólafur Ingi: Lokuðum búðinni eftir rauða spjaldið

„Af því enginn þekkir nafnið þá veljið þið hann ekki mann leiksins”

Viktor Örn: Klaufalegt rautt spjald en enginn ásetningur

Arnar fer yfir valið - „Ekki á hverjum degi sem maður mæti Messi og félögum“

Ísland í dag - Sextán liða úrslit Mjólkurbikarsins hefjast

Gylfi sáttur með sigurinn: „Þessi seinni hálfleikur var mjög langur"

Jói hrósaði nýliðunum: Þær tóku fyrri hálfleikinn bara í nefið

Einar Guðna: Vindurinn tók boltann bara til baka

Anton Ingi pirraður: Við verðum að hafa kassann út í 90 mínútur

lau 01. október 2022 18:01

Guðmundur Aðalsteinn Ásgeirsson

„Ég er ekkert farin, ég er alltaf til staðar ef það er eitthvað"

Sif í leiknum í dag.

Mynd: Fótbolti.net - Hafliði Breiðfjörð

Sif lagði landsliðsskóna á hilluna í síðasta mánuði.

Mynd: Fótbolti.net - Hafliði Breiðfjörð

Miðvörðurinn Sif Atladóttir átti góðan leik þegar Selfoss gerði jafntefli við tvöfalda meistara Vals í lokaumferð Bestu deildarinnar á þessum laugardegi.

„Fyrstu viðbrögð eru góð. Ég vil óska Val til hamingju með titilinn. Þær eru búnar að sýna að þær eru verðugir Íslandsmeistarar. Ég er ánægður með stelpurnar og baráttuna í dag," sagði Sif eftir leikinn.

Lestu um leikinn: Valur 1 - 1 Selfoss

„Ég held að þetta hafi verið ágætis skemmtun fyrir utan síðustu tíu þegar allir voru orðnir þreyttir."

Sif, sem er 37 ára, skrifaði nýverið undir nýjan samning við Selfoss og mun því leika áfram með liðinu.

„Ég ætla að taka mér smá pásu núna. Það er langt síðan ég hef tekið mér almennilegt vetrarfrí. Ég er mjög spennt fyrir komandi ári. Ég ætla að vera í betra standi svo ég geti hlaupið aðeins meira," sagði Sif og brosti.

Hún ákvað að leggja landsliðskóna á hilluna á dögunum. Hver var ástæðan fyrir þeirri ákvörðun?

„Ég fann það alveg að þörfin á mér sem leikmanni fór minnkandi. Það er eðlilegt með ungan og efnilegan hóp. Það er kominn tími á þessar ungu taka við. Tími minn er mikilvægur á öðrum stöðum. Ég er ógeðslega stolt af mínum landsliðsferli og því sem ég hef gert. Ég hef líka sagt að ég er ekkert farin, ég er alltaf til staðar ef það er eitthvað," sagði Sif en hún er með fjölskyldu heima á Selfossi og mun verja enn meiri tíma með henni núna.

Framundan er leikur hjá íslenska liðinu í umspilinu fyrir HM. Liðið spilar í raun hreinan úrslitaleik um sæti á HM gegn annað hvort Belgíu eða Portúgal.

„Ég verð í treyjunni og með fánann uppi. Ég horfi örugglega á leikinn í gegnum puttana á mér, þetta verður taugatrekkjandi. En ég hef trú á stelpunum og þær verða búnar að vinna góða undirbúningsvinnu. Ég hef fulla trú á því að þær klári þetta," segir Sif sem ætlar að njóta þess að vera í fríi í nokkrar vikur. „Það verður mjög næs," segir hún.

Allt viðtalið er í spilaranum hér að ofan.

Sjá einnig:
Sif kveður sem goðsögn - Sjáðu myndir frá landsliðsferli hennar
Steini um Sif: Vorum búin að ræða saman tveimur dögum áður