Albert Guðmundsson er í landsliðshópnum sem var tilkynntur í morgun.
Albert Guðmundsson meiddist gegn Aserbaídsjan og missti af leiknum gegn Frakklandi í síðasta glugga en hann var mættur aftur á völlinn með Fiorentina um helgina.
Albert er í íslenska landsliðshópnum fyrir komandi leiki og þar er einnig Brynjólfur Willumsson sem hefur verið að glíma við meiðsli.
Albert er í íslenska landsliðshópnum fyrir komandi leiki og þar er einnig Brynjólfur Willumsson sem hefur verið að glíma við meiðsli.
„Ég held að þeir séu alveg 100% klárir. Albert spilaði með sínu félagsliði um helgina og Binni er byrjaður að æfa á fullu með sínu liði," sagði Arnar á fréttamannafundi í dag.
Albert spilaði í 74 mínútur í markalausu jafntefli Fiorentina gegn Pisa um síðustu helgi en Fiorentina er án sigurs eftir fimm umferðir.
„Alberts var sárt saknað á móti Frökkum. Það hefur ekki verið að ganga sérstaklega vel hjá hans félagsliði en það er oft þannig að leikmenn taka það ekki með sér þegar þeir koma inn í hópinn. Það er eins og ferskir vindar og nýtt líf komi inn."
„Ég ætlast til mikils af Alberti og Binni kom sterkur inn í síðasta glugga. Sama hvort hann sé markahæstur í Hollandi eða ekki þá vantar aldrei sjálfstraustið í þennan pilt."
Ísland mætir Úkraínu á föstudaginn í næstu viku og svo Frakklandi á mánudeginum þar á eftir. Báðir leikirnir eru á Laugardalsvelli og uppselt á þá. Ísland er í öðru sæti riðilsins sem stendur en það sæti gefur umspilssæti fyrir HM.
Landslið karla - HM 2026
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 6 | 5 | 1 | 0 | 16 - 4 | +12 | 16 |
| 2. Úkraína | 6 | 3 | 1 | 2 | 10 - 11 | -1 | 10 |
| 3. Ísland | 6 | 2 | 1 | 3 | 13 - 11 | +2 | 7 |
| 4. Aserbaísjan | 6 | 0 | 1 | 5 | 3 - 16 | -13 | 1 |
Athugasemdir
