Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 02. ágúst 2020 18:33
Ívan Guðjón Baldursson
Stekelenburg til Ajax (Staðfest) - Onana til Chelsea?
Mynd: Getty Images
Ajax er búið að staðfesta komu markvarðarins Maarten Stekelenburg aftur til félagsins eftir níu ára dvöl erlendis. Hollendingurinn rann út á samningi hjá Everton og kemur því á frjálsri sölu.

Stekelenburg verður 38 ára í haust og hefur verið varamarkvörður hjá Everton undanfarin fjögur ár. Þar áður spilaði hann fyrir Southampton, Fulham og Roma.

Hann á 58 landsleiki að baki fyrir Holland og var aðalmarkvörðurinn frá 2007 til 2012, þar sem hann nældi sér meðal annars í silfurmedalíu á HM 2010.

Mögulegt er að þessi skipti liðki fyrir brottför Andre Onana, aðalmarkverði Ajax sem er eftirsóttur af Chelsea.


Athugasemdir
banner
banner
banner
banner