Elín Metta varð Íslandsmeistari með Val í sumar og fékk skjöldinn í gær.
Elín Metta Jensen hefur tilkynnt að hún er hætt í fótbolta en þetta kemur fram á Facebook síðu hennar í kvöld.
Elín Metta er aðeins 27 ára gömul en hún segir í tilkynningunni: „Nú finn ég hins vegar að það er kominn tími til að sinna öðrum hugðarefnum sem ég hef þurft að setja til hliðar á meðan ég hef sinnt fótboltanum."
Hún hefur verið að sinna læknisnámi meðfram fótboltanum og hefur oft reynst erfitt að púsla saman fótboltanum með gríðarlega krefjandi námi.
Elín varð Íslands- og bikarmeistari með Val í sumar og þá var hún í landsliðshópnum á EM.
Elín Metta er einn besti sóknarmaður sem hefur leikið í efstu deild á Íslandi, en hún lék 261 leiki fyrir Val og skoraði 193 mörk. Hún spilaði einnig 62 landsleiki og skoraði 16 mörk.
Elín var valin í landsliðshópinn fyrir umspilið fyrir HM í næsta mánuði, en núna þarf væntanlega að kalla inn nýjan leikmann í hennar stað.
Athugasemdir
