Cristiano Ronaldo var ekki í hóp hjá Al-Nassr.
16-liða úrslitin eru byrjuð í asísku Meistaradeildinni þar sem fyrstu leikirnir fóru fram í kvöld.
Sadio Mané og Jhon Durán leiddu sóknarlínuna hjá Al-Nassr sem heimsótti Esteghlal til Íran en mistókst að skora.
Lokatölur urðu 0-0 í Íran þrátt fyrir yfirburði gestaliðsins frá Sádi-Arabíu, en Marcelo Brozovic og Mohamed Simakan voru einnig meðal byrjunarliðsmanna.
Lærisveinar Milos Milojevic í liði Al-Wasl gerðu þá 1-1 jafntefli á heimavelli gegn katarska stórveldinu Al-Sadd.
Al-Wasl var talsvert sterkari aðilinn í leiknum og klúðruðu heimamenn vítaspyrnu svo þeim tókst ekki að sigra.
Viðureignirnar eru því enn galopnar fyrir seinni leikina.
Esteghlal 0 - 0 Al-Nassr
Al-Wasl 1 - 1 Al-Sadd
1-0 A. Saleh ('3)
1-1 A. Al-Yazidi ('68)
Athugasemdir
