Fótbolti.net

þri 03. mars 2026 18:41

Ívan Guðjón Baldursson

Byrjunarlið kvöldsins: Hákon aftur á bekkinn

Mynd: EPA

Mynd: Burnley

Mynd: Sunderland

Mynd: EPA

Það hefjast þrír leikir á sama tíma í ensku úrvalsdeildinni í kvöld, þar sem Hákon Rafn Valdimarsson sest aftur á varamannabekkinn hjá Brentford

Liðsfélagar hans heimsækja Bournemouth í spennandi slag í efri hluta deildarinnar. Þar eru fjögur stig sem skilja liðin að í baráttu um evrópusæti.

Keith Andrews gerir þrjár breytingar á liði Brentford sem hafði betur eftir skemmtilegan sjö marka leik gegn fallbaráttuliði Burnley um helgina. Caoimhin Kelleher tekur sér aftur stöðu á milli stanganna fyrir Hákon Rafn og þá koma reynsluboltarnir Nathan Collins og Jordan Henderson einnig inn í byrjunarliðið fyrir Kristoffer Ajer og Yehor Yarmolyuk.

Andoni Iraola gerir aðeins eina breytingu á liði Bournemouth sem gerði jafntefli við Sunderland um helgina. Ryan Christie kemur inn fyrir David Brooks.

Everton tekur á móti Burnley og breytir David Moyes engu í byrjunarliðinu eftir frábæran sigur í Newcastle um helgina. Á sama tíma gerir Scott Parker fjórar breytingar á liði Burnley frá tapinu fjöruga gegn Brentford.

Zian Flemming, sem hefur skorað 6 af 17 útivallarmörkum Burnley á tímabilinu og skoraði í síðustu tveimur leikjum, er fjarverandi vegna meiðsla. Þá detta Jacob Bruun Larsen, James Ward-Prowse og Josh Laurent allir niður á varamannabekkinn.

Kyle Walker, Lesley Ugochukwu, Florentino Luís og Lyle Foster stíga inn í byrjunarliðið í þeirra stað.

Að lokum mætast Leeds United og Sunderland í afar spennandi nýliðaslag og stillir Daniel Farke sama liði upp og átti frábæran fyrri hálfleik gegn Manchester City um helgina, þrátt fyrir smávægileg meðisli sem varnarmennirnir James Justin og Jaka Bijol hlutu gegn City.

Sunderland gerir hins vegar þrjár breytingar frá jafnteflinu gegn Bournemouth þar sem fyrirliðinn Granit Xhaka er tæpur og sest á bekkinn og er Robin Roefs markvörður ekki með vegna meiðsla. Þá sest Chemsdine Talbi á bekkinn.

Luke O'Nien, Nilson Angulo og Melker Ellborg koma inn í byrjunarliðið.

Bournemouth: Petrovic, Truffert, Senesi, Scott, Evanilson, Christie, Adams, Tavernier, Jimenez, Hill, Rayan.
Varamenn: Mandas, Brooks, Smith, Diakite, Adli, Kroupi, Enes Unal, Toth, Milosavljevic.

Brentford: Kelleher, Kayode, Van den Berg, Collins, Henry, Damsgaard, Henderson, Jensen, Ouattara, Thiago, Schade.
Varamenn: Valdimarsson, Pinnock, Yarmoliuk, Ajer, Lewis-Potter, Donovan, Furo, Bentt, Shield.

Everton: Pickford, O'Brien, Tarkowski, Branthwaite, Mykolenko, Gueye, Garner, McNeil, Dewsbury-Hall, Ndiaye, Beto.
Varamenn: Travers, Patterson, Keane, Barry, George, Dibling, Rohl, Iroegbunam, Armstrong.

Burnley: Dubravka, Walker, Pires, Worrall, Esteve, Pires, Ugochukwu, Florentino, Anthony, Hannibal, Foster.
Varamenn: Weiss, Hartman, Bruun Larsen, Tchouana, Ekdal, Ward-Prowse, Laurent, Barnes, McMahon-Brown

Leeds:Darlow, Bogle, Justin, Rodon, Struijk, Gudmundsson, Stach, Ampadu, Gruev, Aaronson, Calvert-Lewin.
Varamenn: Perri, Bornauw, Bijol, Longstaff, Tanaka, James, Gnonto, Nmecha, Piroe.

Sunderland: Ellborg; Geertruida, Ballard, Alderete, Hume; O'Nien, Sadiki, Diarra; Angulo, Le Fee; Mayenda.
Varamenn: Moore, J Jones, Xhaka, Rigg, H Jones, Aleksic, Talbi, Traore, Isidor.

		L	U	J	T	ms:	mf:	mun	Stig
1	Arsenal	33	21	7	5	63	26	+37	70
2	Man City	32	20	7	5	65	29	+36	67
3	Man Utd	33	16	10	7	58	45	+13	58
4	Aston Villa	33	17	7	9	47	41	+6	58
5	Liverpool	33	16	7	10	54	43	+11	55
6	Chelsea	33	13	9	11	53	42	+11	48
7	Brentford	33	13	9	11	48	44	+4	48
8	Bournemouth	33	11	15	7	50	50	0	48
9	Brighton	33	12	11	10	45	39	+6	47
10	Everton	33	13	8	12	40	39	+1	47
11	Sunderland	33	12	10	11	36	40	-4	46
12	Fulham	33	13	6	14	43	46	-3	45
13	Crystal Palace	32	11	10	11	35	36	-1	43
14	Newcastle	33	12	6	15	46	49	-3	42
15	Leeds	33	9	12	12	42	49	-7	39
16	Nott. Forest	33	9	9	15	36	45	-9	36
17	West Ham	33	8	9	16	40	57	-17	33
18	Tottenham	33	7	10	16	42	53	-11	31
19	Burnley	33	4	8	21	34	67	-33	20
20	Wolves	33	3	8	22	24	61	-37	17