West Ham vann 0-5 stórsigur á Reading á útivelli í ensku Ofurdeildinni í dag. Leikurinn var fyrsti leikur af sex í 19. umferð deildarinnar. Hinir fimm leikir umferðarinnar fara fram á morgun.

Dagný Brynjarsdóttir lék allan tímann inn á miðjunni hjá West Ham sem leiddi með fimm mörkum í leikhléi.

Þetta voru nokkuð óvænt úrslit í ljósi þess að West Ham á botninum fyrir leikinn. Hamrarnir eru núna í tíunda sæti deildarinnar, tveimur stigum frá botninum.

Leikurinn var sá fjórði sem Dagný spilar með West Ham og var þetta fyrsti sigur hennar í treyju Hamranna. Hér að neðan má sjá stoðsendingu hennar í leiknum. Virkilega vel gert hvernig hún vinnur boltann og fer með hann í kjölfarið.