Argentínski markvörðurinn Emiliano Martínez verður ekki í marki Aston Villa í kvöld en þetta tilkynnti félagið rétt fyrir leik liðsins gegn Manchester City.
Martínez er einn af mikilvægustu mönnum Villa-liðsins en hann átti að standa í markinu.
Villa greindi hins vegar frá því stuttu fyrir leik að hann væri ekki með vegna veikinda og kemur því sænski markvörðurinn Robin Olsen inn í hans stað.
Blóðtaka fyrir Villa sem er í harðri baráttu um Meistaradeildarsæti. Leikurinn var að hefjast en hann er í beinni útsendingu á Símanum.
Update: Robin Olsen will start in goal for Aston Villa. Emi Martínez misses out through illness. https://t.co/E1skO8BPAW
— Aston Villa (@AVFCOfficial) April 3, 2024
Athugasemdir