Florian Wirtz.
Florian Wirtz var keyptur til Liverpool frá Bayer Leverkusen í sumar fyrir allt að 116 milljónir punda. Hann var dýrasti leikmaður í sögu ensku úrvalsdeildarinnar áður en Alexander Isak var svo keyptur til Liverpool.
Wirtz var eftirsóttur af stærstu félögum heims áður en hann valdi Liverpool, en hann hefur farið gríðarlega hægt af stað í enska boltanum. Hann er með eina stoðsendingu í átta leikjum og ekkert mark, en stoðsendingin kom í leiknum um Samfélagsskjöldinn.
Wirtz var eftirsóttur af stærstu félögum heims áður en hann valdi Liverpool, en hann hefur farið gríðarlega hægt af stað í enska boltanum. Hann er með eina stoðsendingu í átta leikjum og ekkert mark, en stoðsendingin kom í leiknum um Samfélagsskjöldinn.
„Erum við farnir að hafa áhyggjur af Wirtz?" spurði Guðmundur Aðalsteinn Ásgeirsson í Enski boltinn hlaðvarpinu.
„Nei, ég held ekki. Það var spurning fyrir tímabilið hvar þú ætlar að spila honum," sagði Magnús Haukur Harðarson en Wirtz hefur bæði verið að spila fyrir aftan sóknarmann og út á kanti þar sem hann hefur verið að koma inn á völlinn. Maggi væri til í að sjá hann fá að vera út á kanti og fá einn á einn stöðu.
Hvenær förum við að setja kröfu á Wirtz að skila mörkum og stoðsendingum?
„Auðvitað í hverri umferð. En þegar þú ert að fá inn leikmenn þá tekur það tíma. Wirtz var frábær á móti Atletico og góður í seinni hálfleik gegn Arsenal. Hans hlutverk virkaði ekki gegn Crystal Palace," sagði Magnús Haukur.
Athugasemdir
