„Það var gott að byrja leikin vel og það róaði menn niður. Þetta var besti leikurinn okar á Goodison frá því ég kom," sagði Klopp um leikinn á miðvikudag sem Liverpool vann sannfærandi gegn grönnunum í Everton á útivelli.

Í desember spilar Liverpool níu leiki á 29 dögum. „Við erum vanir þessari erfiðu dagskrá. Við verðum að sjá hvernig staðan er í miðjum desember og svo í lok mánaðar, álagið í desember er stöðugt í umræðunni."

„Þetta er brjálæði, hefur alltaf verið brjálæði og mun alltaf verða brjálæði þetta leikjaálag í desember. Allt er í fína lagi þangað til um jólin. Það er hefði og ég skil það en þetta er mjög erfitt í lok mánaðar," sagði Klopp.

Baráttan um efsta sætið er hörð en Klopp segist ekki horfa á Chelsea og Manchester City hugsandi að þau tapi vonandi leikjunum sínum. „Þetta er augljóslega mjög spennandi og þessi deild er sú gæðamesta. Það er ótrúlegt hversu góður þú þarft að vera til að vinna leik í þessari deild. Þú getur ekki unnið deildina í nóvember eða desember en þú getur mögulega tapað honum þá," sagði Klopp.