Fotbolti.net
03.12.24 - 15:30
Elvar Geir Magnússon

„Chelsea mun ríkja yfir ensku úrvalsdeildinni“

Enzo Maresca, stjóri Chelsea, er afskaplega bjartsýnn á framtíðina.

Enzo Maresca, stjóri Chelsea, er afskaplega bjartsýnn á framtíðina.

Canon

Mynd: Getty Images

Enzo Maresca stjóri Chelsea segir að félagið muni taka yfir ensku úrvalsdeildina á næstu fimm til tíu árum.

Þessi 44 ára Ítali segir að liðið eigi ekki möguleika á titlinum þetta tímabilið en að félagið muni „ríkja yfir“ deildinni í framtíðinni undir eigendunum Todd Boehly og Clearlake Capital.
Meðalaldur Chelsea liðsins er rétt rúmlega 23 ár og telur Maresca að liðið hafi ekki reynsluna í dag til að standa uppi sem sigurvegari.

„Við erum ekki í titilbaráttunni, við erum ekki í henni að mínu mati. Vegna aldurssamsetningarinnar og gæðanna í hópnum þá tel ég að Chelsea verði á næstu fimm til tíu árum eitt af þeim liðum, eða það lið, sem mun ríkja yfir deildinni," segir Maresca.

„Þetta sagði ég við eigendurna þegar ég hitti þá fyrst og skoðun mín hefur ekki breyst. Ég var fenginn til að byggja upp lið fyrir næstu ár og við erum á réttri leið."

Chelsea hefur verið að taka bætingum og finna meiri stöðugleika undir stjórn Maresca en liðið situr í þriðja sæti ensku úrvalsdeildarinnar.

Premier league - karlar

#LiðLmunStig
1Arsenal11+1028
2Brighton10+1922
3Man City11+822
4Liverpool10+418
5Bournemouth11+418
6Leeds11+517
7Everton10+216
8Chelsea11016
9Tottenham11+115
10Brentford10+514
11Aston Villa11-314
12Newcastle11-313
13Coventry11-812
14Hull City10011
15Fulham11-211
16Ipswich Town11-711
17Nott. Forest11-69
18Sunderland11-99
19Man Utd10-58
20Crystal Palace11-157
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.