Íslenska drengjalandsliðið skipað leikmönnum 16 ára og yngri mátti þola stórt tap gegn Svíþjóð í þróunarmóti UEFA í Svíþjóð í dag en lokatölur urðu 5-0 heimamönnum í vil.
Ísland vann öflugan 2-0 sigur á Sviss á föstudag en tókst ekki að fylgja honum á eftir í dag.
Svíar komust í tveggja marka forystu í fyrri hálfleiknum og bættu síðan við þremur í þeim síðari.
Síðasti leikur íslenska liðsins verður gegn Tékklandi á mánudag og hefst klukkan 10:00.
Tékkar hafa unnið báða leiki sína í riðlinum.
Hér fyrir neðan má síðan sjá allt það helsta úr leik Íslands og Svíþjóðar í dag.
Athugasemdir
