Mynd: EPA

Real mætti Bilbao í lokaumferðinni á Spáni. Bilbao fékk vítaspyrnu á 10. mínútu en Thibaut Courtois varði spyrnuna.

Bilbao náði hins vegar forystunni snemma í síðari hálfleik. Á 72. mínútu fékk Real Madrid vítaspyrnu, Benzema steig á punktinn og skoraði sitt síðasta mark fyrir félagið þar sem hann yfirgefur það á frjálsri sölu í sumar.

Þetta reyndist síðasta mark leiksins og 1-1 lokatölur. Benzema er sagður vera á leið til Sádí-Arabíu en búist er við að hann og Lionel Messi spili í sömu deild og Cristiano Ronaldo á næstu leiktíð.

Benzema var tekinn útaf stuttu eftir markið og var honum vel fagnað þegar hann gekk af velli.

Atletico Madrid fékk tækifæri til að stela 2. sætinu af erkifjendum sínum en liðið gerði 2-2 jafntefli gegn VIllarreal þar sem Villarreal jafnaði metin í uppbótartíma. Real endar því í 2. sæti og Atletico í 3. sæti.

BIlbao missti einnig af Sambandsdeildarsæti í hendur Osasuna.

Úrslit dagsins má sjá hér fyrir neðan.

Mallorca 3 - 0 Rayo Vallecano
1-0 Vedat Muriqi ('51 )
2-0 Copete ('71 )
3-0 Angel Rodriguez ('90 )

Real Sociedad 2 - 1 Sevilla
1-0 Brais Mendez ('28 )
2-0 Mohamed-Ali Cho ('73 )
2-1 Erik Lamela ('77 )

Real Madrid 1 - 1 Athletic
0-0 Mikel Vesga ('11 , Misnotað víti)
0-1 Oihan Sancet ('49 )
1-1 Karim Benzema ('72 , víti)

Villarreal 2 - 2 Atletico Madrid
1-0 Nicolas Jackson ('9 )
1-1 Angel Correa ('18 )
1-2 Angel Correa ('56 )
2-2 Jorge Pascual Medina ('90 )
Rautt spjald: Axel Witsel, Atletico Madrid ('70)

Osasuna 2 - 1 Girona
1-0 Ante Budimir ('52 )
2-0 Ante Budimir ('55 )
2-1 Reinier ('75 )